У Мінпрацы адказалі на «самае надзённае пытанне» — яно датычыць пенсійнага ўзросту

31 кастрычнiка 2024 у 1730365560
Іван Зверабой / «Зеркало»

У Мінпрацы пацікавіліся, ці плануецца ў найбліжэйшыя гады павышэнне пенсійнага ўзросту і якія-небудзь пенсійныя новаўвядзенні для жанчын. «Пытанне не прапрацоўваецца і не разглядаецца», - адказаў намеснік міністра працы і сацыяльнай абароны Валерый Кавалькоў падчас прэс-канферэнцыі 31 кастрычніка. Ён назваў гэтае пытанне «самым надзённым» для насельніцтва.

Здымак мае ілюстрацыйны характар. Фота: TUT.BY

Нагадаем, пенсійны ўзрост для жанчын у Беларусі цяпер складае 58 гадоў, а для мужчын - 63 гады. Апошні раз яго павышалі ў 2022-м. Летам таго ж года прадстаўнікі бізнес-супольнасці Беларусі прапаноўвалі павялічыць пенсійны ўзрост для жанчын да 63 гадоў.

У Мінпрацы заяўлялі, што выраўноўванне гэтага паказчыка не разглядаецца. У студзені гэтага года ў ведамстве чарговым разам пацвердзілі, што пакуль не збіраюцца вяртацца да гэтага пытання. Дарэчы, павялічыць пенсійны ўзрост Мінску раней раілі ў Міжнародным валютным фондзе.

У кастрычніку гэтага года эканаміст Леў Львоўскі сярод варыянтаў, як палепшыць сітуацыю на рынку працы, назваў павышэнне пенсійнага ўзросту для жанчын: зрабіць яго такім, як і для мужчын.

Сярэдняя працягласць жыцця мужчын у Беларусі, паводле звестак за 2019 год, складала каля 64 гадоў, а жанчын - 78 гадоў.

Чытайце таксама