З 1 лютага перагледзяць памеры некаторых пенсій. Іх падымуць крыху больш чым на рубель

З 1 лютага ў Беларусі падымуць мінімальныя працоўныя і сацыяльныя пенсіі. Да прыкладу, мінімальная пенсія па ўзросце вырасце да 85,37 рубля (сума без уліку даплаты ў 20% ад сярэдняй зарплаты), а сацыяльныя — да 170,74 рубля. Апошні раз іх падымалі ў лістападзе мінулага года. Новыя памеры пенсій будуць дзейнічаць да канца красавіка.

Фото: TUT.BY — Здымак мае ілюстрацыйны характар. Фота: TUT.BY

Памер мінімальных працоўных і сацыяльных пенсій залежыць ад бюджэту пражытачнага мінімуму, гэты паказчык павысяць з 1 лютага.

Від пенсіі ці надбаўкі	з 1 лютага	да 1 лютага
сацыяльная пенсія інвалідам 1-й групы, у тым ліку інвалідам з дзяцінства	375,63	373,81
інвалідам з дзяцінства 2-й групы	324,41	322,84
інвалідам 2-й групы (акрамя інвалідаў з дзяцінства), дзецям у выпадку страты карміцеля	290,26	288,86
інвалідам 3-й групы	256,11	254,87
асобам, якія дасягнулі ўзросту: мужчыны — 65 гадоў, жанчыны — 60	170,74	169,92
дзецям-інвалідам да 18 гадоў пры ступені страты здароўя: першай другой трэцяй чацвёртай	273,18 290,26 324,41 375,63	271,86 288,86 322,84 373,81
мінімальная пенсія па ўзросце (без уліку даплаты ў 20% ад сярэдняй зарплаты)	85,37	84,96
даплаты да пенсій пенсіянерам, якія не працуюць і дасягнулі: 75 гадоў 80 гадоў	64,03 85,37	63,72 84,96

З 1 лютага таксама падымуць надбаўкі, павышэнні да пенсій і даплаты беларусам 75 гадоў і старэйшым, якія атрымліваюць пенсіі ў органах па працы, занятасці і сацабароне, а таксама дапамогі па доглядзе інваліда I групы альбо асобы, якая дасягнула 80-гадовага ўзросту.

Чытайце таксама

Фото: pixabay.com — Еще один банк начал выдавать кредиты на недвижимость

Управление по труду, занятости и социальной защите Бобруйского горисполкома организовывает в Бобруйске ярмарку вакансий, чтобы помочь тр — В Беларуси впервые за последние 10 месяцев выросла реальная зарплата. Почему это произошло и что с ней будет дальше

«Зеркало»

Распечатано с портала ZERKALO.IO