Беларускі графічны дызайнер Аляксей Лімонаў другі год запар атрымлівае прэстыжную брытанскую прэмію World Brand Design Society Awards у сферы камерцыйнага дызайну, піша Citydog.
Аляксей Лімонаў — беларускі графічны дызайнер і ілюстратар. Скончыў Акадэмію мастацтваў па спецыяльнасці «Графічны дызайн». Шматразовы ўладальнік узнагарод міжнародных конкурсаў ЗША і Еўропы. Аўтар абноўленага лагатыпа Нацыянальнага мастацкага музея Беларусі, а таксама іх праекта з арт-маскамі.
Яшчэ ў мінулым годзе Лімонаў атрымаў прэмію World Brand Design Society Awards (Лондан), якой адзначаюць у тым ліку ўдалыя распрацоўкі ў камерцыйным дызайне па ўсім свеце. У журы конкурсу ўваходзяць дызайнеры, крэатыўныя дырэктары, вядомыя студыі, буйныя вядучыя кампаніі свету.
За што Аляксей Лімонаў атрымліваў прызы
«Летась я атрымаў два „срэбры“ за ўпакоўку праекта MoDo Alice ад кампаніі MODUM і за праект упаковак Art Sponges», — дзеліцца Аляксей.
Самі мачалкі былі прыдуманыя для конкурсу Rijksstudio Award 2020 ад вядомага музея Амстэрдама. Ідэя Лёшы Лімонава — аб’яднаць простую вяхотку і геніяльныя шэдэўры.
А па выніках 2022 года праект Аляксея атрымаў адразу два «золаты» ў намінацыях «Дызайн упаковак» і «Фірмовы стыль» за праект упакоўкі для брэнда EazzyPizzy (крэатыўным дырэктарам працы выступіў Яўген Высата).
«EazzyPizzy — гэта дастаўка страў і напояў ад сеткі кавярань „Шакаладніца“, — расказвае дызайнер. — Галоўная іх фішка — мікс смакавых спалучэнняў. У фірмовым узоры можна ўбачыць кавалачак піцы з апельсінам, шарыкі марожанага з таматам, плаўлены сыр і салодкі крэм, трускаўку і салямі».
Чытайце таксама на Citydog.io:
Просто вау! Посмотрите, какое необычное место есть прямо в центре Минска
Вас тут приглашают в ботанический сад, чтобы научить выращивать комнатные растения
Имейте в виду: сегодня и завтра на этих улицах в центре Минска лучше не парковаться