Жыхары Еўропы заўважылі ўначы 25 сакавіка загадкавыя спіралі ў небе. Як піша брытанская газета The Sun, гэта, відавочна, «замерзлае паліва з ракеты SpaceX», якая стартавала 24 сакавіка з базы ў Флорыдзе.
Карыстальнікі ў сацсетках рапартуюць, што спіралі можна было бачыць у небе над Беларуссю, Расіяй, Украінай і іншымі краінамі кантынента.
Як піша выданне iXBT, паводле папярэдніх звестак, спіраль з’явілася пасля запуску разведвальнага спадарожніка NROL-69. Вывад спадарожніка на арбіту, імаверна, пацягнуў за сабой выкід часцінак паліва, якія, рассейваючыся ў верхніх пластах атмасферы, стварылі характэрныя спіралепадобныя ўзоры.
