Плыні чайлдфры — гэта праява нейкай «новай дэмакратыі» і частка інфармацыйнай атакі для прапаганды каштоўнасцяў, якія перашкаджаюць развіццю сямейных адносін, расказала ў эфіры «НТВ-Беларусь» начальнік упраўлення Генеральнай пракуратуры Анжаліка Курчак.
«Усе гэтыя плыні чайлдфры — гэта больш праявы, так бы мовіць, новай дэмакратыі. І мы разумеем, што на сённяшні дзень актыўна ідзе масіраваная, так бы мовіць, атака на ўсіх інфармацыйных рэсурсах адносна прапаганды тых ці іншых каштоўнасцяў, якія, так бы мовіць, перашкаджаюць развіццю сямейных адносін, скіраваныя на аднаполыя шлюбы», — сказала Курчак.
«І ўсё гэта, у сваю чаргу, уяўляе пагрозу нашай нацыянальнай бяспецы, пагрозу нашай дэмаграфічнай палітыцы. Таму, вядома ж, мы не можам заставацца абыякавымі, мы таксама ў гэтай сферы павінныя процідзейнічаць, калі сапраўды гэта будзе прапагандавацца, калі сапраўды гэта будзе распаўсюджвацца — такія дзеянні, вядома, мусяць спыняцца», — лічыць Курчак.
Яна адзначыла, што цяпер няма адміністрацыйнай адказнасці за такія дзеянні, але пракурораў гэта не спыняе.
«Не так даўно пракуроры падалі ў суд пазовы пра прызнанне экстрэмісцкімі матэрыяламі той прадукцыі, якая распаўсюджвалася на шэрагу інфармацыйных інтэрнэт-рэсурсаў. І па рашэнні суда гэтыя матэрыялы былі прызнаныя экстрэмісцкімі. І да іх быў абмежаваны доступ. То-бок пракуроры не стаяць убаку — нягледзячы на адсутнасць якой-кольвек адказнасці, ёсць іншыя механізмы і рычагі ўплыву для таго, каб, так бы мовіць, не распаўсюджваліся вось гэтыя ўсе негатыўныя ідэі ў нашым грамадстве».