У Дзень Волі сілавікі затрымалі 77-гадовую грамадскую актывістку Ніну Багінскую. Пра гэта паведамляе «Белсат» са спасылкай на крыніцу.
Паводле звестак тэлеканала, жанчыну адвезлі ў аддзел міліцыі і трымалі там да вечара. На яе склалі пратакол за знойдзены ў кватэры нацыянальны бел-чырвона-белы сцяг. Ён ляжаў на тумбачцы ў пакоі, паведаміў «Белсат».
Адміністрацыйная справа актывісткі будзе разглядацца ў судзе Першамайскага раёна Мінска.
Нагадаем, летась на Дзень Волі сілавікі таксама ўварваліся ў кватэру Багінскай, забралі яе ў РАУС і пратрымалі да вечара.