Жыхарка Віцебска звольнілася з аднаго з мясцовых прадпрыемстваў праз парушэнні з боку наймальніка, у гэтым выпадку ёй належала кампенсацыя, але жанчына яе не атрымала. У выніку яе былое кіраўніцтва чакаў непрыемны сюрпрыз. Яна расказала пра парушэнні супрацоўнікам Дэпартамента дзяржінспекцыі працы Мінпрацы і сацабароны, паведамляецца ў тэлеграм-канале ведамства.
Віцяблянка працавала на аснове кантракта ў арганізацыі па перапрацоўцы малака і вытворчасці сыроў. Яна сама запатрабавала звольніць яе, бо працадаўца парушаў заканадаўства па працы.
Падчас разгляду яе скаргі супрацоўнікі Дэпартамента выявілі, што не праведзеная выплата мінімальнай кампенсацыі ў памеры трох сярэднямесячных заробкаў.
«Выплата ў памеры трох сярэднямесячных заробкаў, прадугледжаная ч. 5 арт. 261−5 Працоўнага кодэкса Рэспублікі Беларусь, — гэта мінімальная кампенсацыя, не выплаціўшы якой, наймальнік парушыў не толькі названую норму, але і ч. 1 арт. 77 Працоўнага кодэкса Рэспублікі Беларусь», — растлумачылі ў дэпартаменце.
Адзначым, што ў ч. 5 арт. 261−5 Працоўнага кодэкса гаворыцца, што пры датэрміновым скасаванні кантракту ў сувязі з парушэннем наймальнікам заканадаўства па працы, калектыўнай дамовы, кантракта работніку выплачваецца мінімальная кампенсацыя ў памеры трох сярэднямесячных заробкаў.
У выніку на рашэнне Віцебскага абласнога ўпраўлення Дэпартамента дзяржаўнай інспекцыі працы з працадаўцы на карысць звольненай віцяблянкі спагналі больш за 5400 рублёў.
Акрамя таго, за парушэнне заканадаўства па працы цяпер разглядаецца пытанне пра адміністрацыйны працэс у дачыненні да вінаватай асобы.