У Беларусі рост заробкаў застаецца на высокім узроўні, што спрыяе пашырэнню спажывецкай актыўнасці насельніцтва, адзначаюць аналітыкі Еўразійскага банка развіцця (ЕАБР). Пры гэтым эксперты звяртаюць увагу на тое, што рэальныя заробкі (яны разлічваюцца з папраўкай на інфляцыю) пачалі зніжацца ў прамысловасці — цяперашнім драйверы эканомікі.
«Рэальная заработная плата вырасла на 12,8% гадавых у сакавіку 2024 года, — адзначаюць у ЕАБР. — У бюджэтным сектары аплата працы расце супастаўнымі тэмпамі з сярэднімі па ўсёй эканоміцы (+12,3% гадавых). Пры гэтым назіраецца пэўнае запаволенне росту рэальных заробкаў у прамысловасці: да 10,1% гадавых у сакавіку з 15,3% у лютым».
Нагадаем, раней сітуацыяй у прамысловасці заклапаціўся Аляксандр Лукашэнка. 9 красавіка ён заявіў, што беларускія прамысловыя вытворцы страчваюць пазіцыі на расійскім рынку, ён запатрабаваў заняцца дыверсіфікацыяй экспарту тавараў і выкарыстоўваць новыя тэхналогіі ў вытворчасці. А яшчэ палітык паскардзіўся на дэфіцыт кадраў.
Што да росту заробкаў у цэлым па ўсіх галінах, на які звяртаюць увагу ў ЕАБР, і павышанага спажывецкага попыту, то некаторыя эксперты бачаць у гэтым рызыкі для беларускай эканомікі. Так, аналітыкі BEROC раней адзначалі, што высокі ўзровень спажывецкага попыту дапамагае росту эканомікі. У сваю чаргу, насельніцтва актыўней купляе тавары і замаўляе паслугі праз тое, што наймальнікі актыўна павышаюць ім зарплаты, а таксама з прычыны льготнага крэдытавання. У выніку такі «залішні попыт падтрымліваў працу на знос беларускай прамысловасці», тлумачылі эксперты BEROC.
На іх думку, прамаруджванне з узмацненнем жорсткасці ўмоваў крэдытавання будзе весці да далейшага нарастання дысбалансаў у эканоміцы. Яны лічаць, што гэта пацягне пагаршэннем стану замежнага гандлю, які «са знятай сезоннасцю быш дэфіцытным у студзені-лютым 2024 года». Яшчэ адна пагроза — узмацненне інфляцыйнага і дэвальвацыйнага ціску, а таксама прыкметнае павышэнне «ўражлівасці» беларускай эканомікі.
То-бок атрымліваецца свайго роду пастка: павелічэнне заробкаў прыводзіць да росту спажывання і актыўнага крэдытавання з прычыны адносна нізкіх працэнтных ставак (то-бок расце дабрабыт насельніцтва), што, у сваю чаргу, пагражае разгонам інфляцыі і дэвальвацыі (падзеннем узроўню дастатку). Адна з прычын такой сітуацыі — разрыў паміж ростам заробкаў і прадукцыйнасцю працы (першы паказчык дадае больш актыўна).
Чытайце таксама
